Liebes-Horoskop

Brennt mei Feia der Leidenschaft immer heißer oda is da Ofm boid aus? Wia kumm i ausse aus da Liebes-Scheißgossn? Des erfohrst glei in unsam Liebes-Horoskop, gmocht speziell fia Singles, Valiebte, Valobte und Vaheiratete.

 

Wassermann (21.1. – 19.2.)
Wos hast da do eigentlich dabei docht? Nix, gö? Oiso, no amoi: Finga weg von dera g’spritztn Luxus-Trutschn! Aussa, du wüüst di unbedingt auspressn lossn wia’ra Zitrone.

 

Fische (20.2. – 20.3.)
Dei frisch gfangta Hawara is ned grod a Raketn unta da Deckn, sondan eha a Schlaftablettn. Sog eam hoid afoch, wos da gfoit, daun wird’s Schnacksln a echte Hetz!

 

Widder (21.3. – 20.4.)
Beim Onbrodn vabrennst da du gscheit de Finga. Klana Tipp: Koids Bier hüft dagegn besser ois wia koids Wossa. Und tröst di: Sogar da Casanova hat scho amoi an Korb kriagt.

 

Stier (21.4. – 20.5.)
Dei Hasibärli is dank Venus grod dauerschoaf auf di. Nutz de guade Zeit und kauf liawa amoi a Packl mehr Pariser, damit’s eich ned ausgehn.

 

Zwillinge (21.5. – 21.6.)
Loss di ned vaoaschn! Ned ois, wos glänzt, is a Gold. Der fesche Hawara ausm Fitnesscenter redt zwoa schee daher, is owa a Serienpuderant sondergleichn und in Wohrheit vaheirat und hat drei Gschroppm.

 

Krebs (22.6. – 22.7.)
Du und dei Schatzerl kennan si gfrein auf a romantische Wochn: De deppertn Nachborn san auf Urlaub und kommen ned keppln, a wenn ihr no so laut umeinanda schnackslts.

 

Löwe (23.7. – 23.8.)
Oida, bist du a Löwe oda a klans Katzerl, des wos si oscheißt? Trau di endlich und sog eam, dass’t auf eam stehst! Sonst reißt ja a imma de Pappm auf! Jetz warat’s hoid amoi wichtig.

 

Jungfrau (24.8. – 23.9.)
Wanns’t di du ned zamreißt, braucht’s es boid a Paartherapie: Dei Freindin tobt scho, weu’st ned zamramst, und dann losst du Esel scho wieder dei Gschirr stehn. Sei a Kerl! Beziehungsoaweit haaßt a Putzn, Staubwischn und Gschirr owoschn.

 

Waage (24.9. – 23.10.)
Routine is a Schas. Da hüüft nur a kurza Urlaub und amoi was Neichs ausprobiern! Wia warat’s mit Pudern in Podersdorf, Vögln in Vöcklabruck oda Schnacksln am Schneeberg?

 

Skorpion (24.10. – 22.11.)
Olle Menschn san da grod zwider. Warum? Dei Ex hod scho wieda a Neiche, und es is dei scheißfreindliche Grinsekotz von ana Kollegin. Vagiss de Oaschlecha und kauf da bittschee ka Puffm und a ka Messer.

 

Schütze (23.11. – 21.12.)
Du bist momentan bei deine Freind wia da Amor: Olle, de wos von deine Pfeile troffn san, valieben si. Außer du. Owa mocht nix, Wixn is derweil a a Lösung.

 

Steinbock (22.12. – 20.1.)
Du bist in da Scheißgossn: Dei neiche Flamme wüü auf Ibiza auf Urlaub foan, du wüüst liawa nach Neapel oide Stana oschaun. De Woikn san dementsprechend düsta üwa eich. A Vurschlag: Spüüt’s Schere Stein Papier.